قوستاناي وبلىسىندا پروكۋراتۋرا ورگاندارى قايتارعان اكتيۆتەر ەسەبىنەن 22 الەۋمەتتىك جوبا ىسكە اسىرىلىپ جاتىر. ونىڭ 19-ى اۋىل تۇرعىندارىن ورتالىقتاندىرىلعان سۋمەن قامتاماسىز ەتۋگە باعىتتالعان, دەپ جازادى Egemen.kz.
ماسەلەن, اۋليەكول اۋدانىندا اتالعان قاراجات ەسەبىنەن كوكتال, نوۆوسەلوۆكا, پەرۆومايسك, يۋلەۆ اۋىلدارىنا سۋ قۇبىرى تارتىلىپ جاتىر. ناتيجەسىندە, بۇل اۋداننىڭ 2 مىڭعا جۋىق تۇرعىنى جىل اياعىنا دەيىن ساپالى اۋىز سۋعا قول جەتكىزبەك.
جوبانىڭ ىسكە اسىرىلۋ بارىسىن جانە قاراجاتتىڭ ماقساتتى پايدالانىلۋىن وبلىس پروكۋراتۋراسى تىكەلەي باقىلاۋىنا العان.
قوستاناي وبلىسى